Yuxusuzluqla mübarizə üçün səhərlər acqarına qəhvə içirsiniz? Bu, kortizol səviyyəsini artıraraq sinir və ürək-damar sisteminə zərər verə bilər.
Rusiyalı nevroloq İnna Filatova bildirir ki, kofein kortizol hormonunu yüksəldir. Xüsusilə acqarına qəbul edildikdə, bu təsir daha güclü olur. Nəticədə təşviş, taxikardiya və vegetativ sinir sistemi problemləri yaranır.
Həkim qeyd edir ki, kofein həmçinin yuxu keyfiyyətini pozur və xroniki stresi artırır. Hipotalamus-hipofiz-böyrəküstü vəzi oxuna yük əlavə edərək orqanizmin tarazlığını pozur.
Miqren, narahatlıq və yuxu pozğunluğu olan xəstələr kofeindən qaçmalıdır, çünki bu xəstəlikləri daha da ağırlaşdıra bilər.
