Kivinin tərkibindəki yüksək serotonin konsentrasiyası melatoninin ifrazını stimullaşdırır. Bu səbəbdən somnoloqlar yuxusuzluq üçün kivi tövsiyə edir.
“The Mirror” nəşrinə istinadən məlumata görə, yatmazdan əvvəl müntəzəm kivi yemək effektivdir. Bir aylıq təcrübədə yatmazdan bir saat əvvəl iki kivi yeyən iştirakçılar daha tez yuxuya gedib, gecə daha az oyanıb.
Kivi yuxu keyfiyyətini artırmaqla yanaşı, kortizol səviyyəsini də aşağı salır. Qastroenteroloq Sergey Danilov təsirin kumulyativ olduğunu, 2-4 həftədən sonra nəzərə çarpdığını bildirib.
Endokrinoloq Yekaterina Orlova isə kivinin maddələr mübadiləsini normallaşdırdığını, qan şəkərini sabitləşdirərək gecə oyanmalarının qarşısını aldığını vurğulayıb.
