İsti aylarda qida zəhərlənmələri artır. Diyetoloq Anastasiya Lebedeva RT-yə bildirib ki, əsas səbəb yüksək hərarət, saxlama qaydalarının pozulması və gigiyenaya riayət edilməməsidir.
Süd məhsulları, dəniz məhsulları, ət, kremli şirniyyatlar, salatlar və souslu yeməklər riskli qidalardır. İnsanlar çimərlik, bazar və küçə köşklərində yemək alarkən diqqətli olmalıdır.
Su da infeksiya mənbəyidir. Buz, yuyulmamış meyvə-tərəvəz və naməlum sular təhlükəlidir. Uşaqlar susuzlaşmaya daha tez məruz qalır, ona görə valideynlər ehtiyatlı olmalıdır.
Profilaktika üçün təmiz su içmək, əlləri tez-tez yumaq, şübhəli iaşə obyektlərindən uzaq durmaq tövsiyə olunur. Spirtli içkilər qidanı dezinfeksiya etmir, əksinə susuzlaşmanı artırır. Şiddətli simptomlarda həkimə müraciət edin.
